????
زائر
 |  موضوع: احمد مكى . مصر  الجمعة يوليو 01, 2011 11:16 am | |
| السلام عليكم و رحمة الله و بركاته
اولا
ده رابط لموضوع الاغنية
http://www.elnasya.com/Forum/showthread.php?t=1415
ثانيا
كلمات الاغنية
فى الاول
قبل ماتش مصر و الجزائر فى السودان
حاولت اكون محايد بين البلدين
رغم ان انتمائى و حياتى و طفولتى
و جنسيتى مصرى
عشان قدام ربنا
ميجيش يوم ابقى فيه مساهم
و لو بواحد فى المية
فى فتنة بين بلدين اخوات
لكن الحقيقة بعد الاهانة و الغدر
اللى شافوه اهلى و بلدى
خصوصا ان الجزائر مردتش باى اعتذار حتى الان
انا لا احترم من لا يحترم بلدى
و الاغنية دى اقل حاجة
ممكن اقدمها لمصر
بلدى
مهما دورت و لفيت
غيرك وطن ما لاقيت
ذكريات طفولتى فيكى
و بالنسبالى انتى البيت
انتى الحب
انتى الطيبة
فيكى اتربيت
انتى جنسية امى
اغلى من حبيت
فى الغربة بره ببقى تهت و انتهيت
بندم و بسال نفسى
طب ليه انا مشيت
لو كنت فيكى صبرت
و كل جهدى حطيت
و فدتك باللى عندى
و من جوه قلبى اديت
و اغرس فى ولادى حبك
اكتر ما انا حبيت
حتبقى احلى جنة
من امان بيه حسيت
مش ممكن ابدا مهما يكون
حنرضى بغيرك انتى بيت
حيقول حفيدى فى يوم
بقبر جدى مريت
عزة النفس
الهوية
حب بلادى شميت
مش ممكن ابدا ارضى بغيرك انتى بيت
مهما دورت انا و لفيت الدنيا شرق و غرب
ما فى غيرك انتى يا بلدى ابدا جوه القلب
مهما دورت انا و لفيت الدنيا شرق و غرب
ما فى غيرك انتى يا بلدى ابدا جوه القلب
لما بكون مسافر
و ارجع ماسك طريق
بفتكر كل حاجة فيكى
تصوير بطىء
شارعى و اهل شارعى
عاملين زى الفريق
محدش فيهم يقدر يفوت
جاره فى ضيق
بيكون له اكتر من اخ
و اصدق من الصديق
جوه كل حارة فيكى سلو و اصول
لو فى يوم اتنين اتخانقوا
ده يقول و ده يقول
تلقى دايما فيه كبير
بيترجعله فى الحلول
بفتكر لما كنا عيال صغيرين فى الشارع
بنبنى جون من طوب
بنهاجم و ندافع
و نخلص الماتشات
و نروح و نشرب من الجامع
و قبل الدنيا ما تليل
للغية اكون طالع
اطير الحمام مع صحابى و نتابع
و يحط الليل علينا
و كله لبيته يكون راجع
احلى جو فى العالم
طول الاربع فصول
ليلك له احلى سحر
بدعى دايما انه يطول
فيكى اقوى المواهب
فيكى اذكى العقول
فيكى طاقة بشر
جامدين بشكل مش معقول
خفة دم شعبك
ده فى مدينة او فى ريف
حول كل مشاكله
لنكت دمها خفيف
من زحمة الشوارع
لحد حجم الرغيف
حتى فى عز الكوارث
تعليق ظريف يضيف
جدعان طيبين
و بقلب ابيض كبير
حتى المناسبة فى مصر
برضه ليها طعم غير
رمضان او العيدين
ان كان صغير او كبير
تلقى الناس فى الشوارع
فرحانة و بتوزع خير
احن قلوب ستات فى الدنيا
و رجالة بتغير
لو منتخبنا جاب جون
الشارع كله بيطير
قولى طب ارضى ازاى انا
دلوقتى بوطن غير
مهما دورت و لفيت الدنيا شرق و غرب
ما فى غيرك انتى يا بلدى ابدا جوه القلب
مهما دورت و لفيت الدنيا شرق و غرب
ما فى غيرك انتى يا بلدى ابدا جوه القلب
____________________ Welcome To ElNasya |
|
